唉！咁耐風流有咁耐節食喇！
2008-07-21 更新
【東方日報專訊】死得喇今次！經過連日的「色慾派對」，狂飲狂食之後，今晚上磅一秤……OMG，重咗十一磅！估唔到我天生麗質都會有暴肥嘅一日，點算？！忽然醒起外形纖瘦，從事「運泥」工作的老友Wins，即刻打畀佢請教修身之道。「醫生，有冇得救呀？」佢差啲畀我一聲悽厲叫聲嚇死，哈哈！
入正題，原來佢係靠食乳酪嚟代餐減肥：「因為乳酪含有豐富的蛋白質、鈣質及磷，營養高，飽肚又唔怕肥……」聽落幾好咁喎。佢仲介紹埋近期至愛的aLive飲用乳酪畀我，由新鮮果肉及益生菌調製而成，三款口味包括：士多啤梨蘆薈、香蕉雪梨、蘆薈椰果任我揀，食勻一日三餐都OK！最重要係每一百毫升只有少於1.5克脂肪及85卡路里，又用隨杯附送的飲管一「拮」就飲得，咁方便，一於聽Wins話試吓呢個減肥法先！
Judy Depp備忘
年齡：25
專長：接吻高手。
性格：反傳統、反封建。
社交：飲食朋友一大堆。
職業：無憂米，契爺多。
飲食格言：好嘢唔怕翻啅，至忌食得唔好嘥。
